اهداء الى شعب مصر
شعبي حبيبي ياروحي يابيبيي
حاطك
في جيبي يابن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل
همومك وشايل جبال
ياشعبي اللي نايم وسارح وهايم
وفي
الفقر عايم وحاله ده حال
احبك محشش مفرفش مطنش
ودايخ مدروخ
واخر انسطال
احبك مكبر دماغك مخدر
ممشي امورك
كده باتكال
واحب اللي ينصب واحب اللي يكدب
واحب
اللي ينهب ويسرق تلال
واحب اللي شايف وعارف وخايف
وبالع
لسانه وكاتم ماقال
واحب اللي قافل عيونه المغفل
واحب
البهايم واحب البغال
واحب اللي راضي واحب اللي فاضي
واحب
اللي عايز يربي العيال
واحب اللي يائس
واحب اللي بائس
واحب
اللي محبط وشايف محال
واحبك تسافر وتبعد تهاجر
وتبعت فلوسك
دولار او ريال
واحبك تطبل تهلل
تهبلعشان مطش كوره
وفيلم ومقال
واحبك تأيد
تعضض تمجدتوافق تنافق
وتلحس نعال
تحضر نشادر تجمع كوادر
تلمع تقمع تظبط
مجال
لكن لو تفكر تخطط تقرر
تشغلي مخك وتفتح
جدال
وتبدأ تشاكل وتعمل مشاكل
وتنكش مسائل
وتسأل سؤال
وعايز تنور وعايز تطور
وتعمللي روحك
مفرد رجال
ساعتها حجيبك
لايمكن اسيبك
وراح تبقى
عبره وتصبح مثال
حبهدل جنابك واذل اللي جابك
وحيكون
عذابك ده فوق الاحتمال
وامرمط سعادتك واهزأ سيادتك
واخلي
كرامتك في حالة هزال
وتلبس قضيه وتصبح رزيه
وباقي حياتك
تعيش في انعزال
حتقبل ححبك حترفض حلبك
حتطلع حتنزل
حجيبلك جمااااال
حجيبلك جمااااال
حجيبلك جمااااال
حجيبلك جمااااال
هناك 5 تعليقات:
ايه الحلاوة دى
لخصتلنا العلاقة بين الحاكم والشعب
وسردت كل مشاكل الشعب بطريقة جميلة
بس ربنا يستر علينا
اللى بيغلط فى جيمى بيروح فى داهية
عجبتنى حدا الحتة بتاعة
حترفض حلبك
وعامة اللب حلو ومفيش مشاكل
حقيقى كلام زى العسل وللاسف افضل تعبير لواقعنا المرير
ودايما تتحفنا بكل جميل يا باشا
سلام
ههههه
انت طلعت منهم
ياسلام عليك يا نجم
مش أحمد فؤاد نجم برده؟
متهيألي أنها لأحمد فؤاد نجم بس ياريت تبقي تشير الي الكاتب
ده انت طلعت عارفني وضايف مدونتي عندك وأنا ماعرفش
:))
اختيار جميل بس ان شاء الله مفيش جمال مفيش جمال مفيش جمال
ولو جه جمال مش هانسيبه
تحياتي
معلهش اتاخرت عليك شويه
بس الظروف والله
اولا
كل سنة اونت طيب
ثانيا
المرة الجاية
سلام
إرسال تعليق